عرض مشاركة واحدة
قديم 06-05-2007   #7


الصورة الرمزية فواز الغسلان
فواز الغسلان متصل الآن

بيانات اضافيه [ + ]
 رقم العضوية : 585
 تاريخ التسجيل :  05 - 05 - 2007
 أخر زيارة : 29-08-2017 (12:33)
 المشاركات : 997 [ + ]
 التقييم :  84
 اوسمتي
درع التميز وسام وسام لجنة التحكيم التميز الذهبي الشاعر المميز 
لوني المفضل : Cadetblue
افتراضي قاذف الميراج





قاذف الميراج



علام النصيب الشين حطن على الجابوح=وانا اول مع الخفرات حظي تقل ديباج
مضى العمر يركض في هواهن بلامصلوح=ولاذقت خير ولاحصل للحشى مخراج
تعلقت في مبسم صخيف الحشى المملوح=طريحن بوسط البحر تلعب بي الامواج
دخلت البحر والناس قالو مهو مسموح=اشوف البحر هادي ولكن بسرعه هاج
الامواج واصواته خطيرن تشيل الروح=تشادي صواريخن على قاذف الميراج
لمحني عذولن صاح يشمت يقول اشنوح=تخاطر بعمرك من ورى خفرتن مغناج
مدامك تعرف ان الخفاجي وقع مفضوح=وتدري وش اللي صار بالشاعر المجماج
كلامه ترك قلبي بنار القهر مجروح=وعيني تناظر لامراكب ولا منهاج
جوابي عيونن دمعها بالخفى مسفوح=نثرته لعين اللي بكل البشر ماداج
عشيري ترى قلبي على هجركم مذبوح=ذبحني حلا خدن تلالا بلا مكياج
رجيتك رجى الممحل بروقن غدى له ضوح=وشوفة هميل الوسم يصفق مثل هداج
واذا نيتك تجرح عروق الحشى وتروح=تلاقي جزاء فعلك وسط سورة المعراج


شعر الراوي ابن غسلان