ياالله يالي مـن ترجـاك مـاخـاب =يالمعتلـي رب العباد ودبـيـره
يامرسلن في قدرتك نجمك شهاب=بكل اتجاه وصوب تعلم مسيره
يامنزلن مـن رحمتـك غيث سكاب=ومنبت قشوعن خاوين به هصيره
بيديك يالمعبود توجيه الاسباب=بالكـون مايخفاك حبـه شعيره
اطلبك عفـوك يالولي رب الأرباب=عبـدك يسألك فاتحـاً لك ضميـره
تجعل لنـا عنـدك نصيبن ومقضاب=بوقت الحساب الي جموعه كثيره
مـن بعـد ذكـر المعتلي خاطري طاب=ودنيت باليمني القلم مـن جفيره
ابـي امـدح الـطيب ولانـي بكـذاب=ولاخير باللـي مـاعـلـومـه سفيره
والنعـم للـي فـي مجـال الكرم طاب=تبـذل يميـنـه كثـر اللـه خيـره
ضيدان لنامـوس والطيب كسـاب=الليـث أخو وضحاء فعـولـه شهيره
علمـه يشـرف عـند ربعـه ولاجناب=أن حـل باهل الطيـب مجدن وسيره
نرفـع لـه البيضاء علي رأس مرقاب=مـن يجحد المعروف نفسـه حقيره
تستاهل التمجيد ياعرب الانساب=وابعـلـنه فـي كـل صوبـن وديره
ياتاج راسـي ياذرى كـل منصــاب=لياجاك يشكـي ضـيـم حالن حسيره
مـن لابتـن ياحل بـه حزم كـلاب=بوقـت الزمان اللي ضروفـه عسيره
يأتون صفاً مابهـم واحـدن غـاب=جمعاً مفادي ويـل منهـو نحيره
كم واحدن من فعلهم طاح منصاب=ون عاش يبقـاء بالطعون الخطيره
اقطع من الفولاذ ماواحدن هـاب=يركون فـي كبـد المعادي سعيره
ارحم مـن أمن تنتظر شوف غياب=بشوفة عياله جاه منهـو بشيره
أصحاب لصحاب الوفاء عزالأصحاب=مثـل القصير اللي يداري قصيره
والي نخاهم شاف مـن وقتـه أتعاب=عز اللـه انه شاف نصر وبريره
قـلته ولانـي بالتمـاثيل هـذاب=وتاريخ عـبده طـابعته الجزيـره
محفوظ يوجد فـي دياوين كتاب=ولا ذكرت مـن الكبيره صغيره
وش عـادلو مال اثني شخص طلاب=مايجـحده ياكـود مهفي ضميره
ماينكر المعروف ياكـود خنزاب=الطيـب فيها والردي مايثيره
والله فلا انسى طيب نزهين الأشناب=والطيب يبقـاء للنشامي ذخيـره
أهل الكرم للطيب ماسكرو باب=ولاحسبو عن وارده مـن صديره
مثل ابوهاني ماخذى لطيبه حساب=كـريـم سبلا مانشـد عن كثيره