ياقلب أنا بلشت بك .. وين اوديك ؟؟
شيبت بي ياقلب .. من صغر سني
اسعى وراك .. وخيب الله مساعيك
من طيبتك .. ماشفت .. غير الهبني
ياكثر ماتجـني .. عليه هقاويك
من حسن ظنك .. بالبشر ساء ظني
اعطيك غيري .. لجل مايحتفظ فيك
وترجع تقول : اللي خذاني طعني ..!!
طيب شسوي بك .. ؟.. وهذي أمانيك
اللي جرالك منك .. ماهوب مني
تسد باب .. وتنتفح لك .. شبابيك
وكل ماتهزك عاصفه .. تمتحني
تسري ورى النية ( واتولِى ) مساريك
حتى قتل صبحك ( ظــلام التبني )
إلى هنا اآقول ..( بسّك ) .. ويكفيك
رد الكلام .. ووصل العلم عني
ماني تبع هذي ، ولاني تبع ذيك
لاجا الصحيح ...أثنينهن يتبعني