الارض به محور من الطهر والزين=اسرء ومعراج النبي معجزة كون
فيها تشرف افضل الادميني=(محمد) اللي له بطيبه يزورون
ارض تضم امقدسات الحرمين=افضل وطن لاشك لاريب لاظنون
وفي واحد الميزان ذكرى وتفطين=لاجيالنا اللي صاعده خوف ينسون
الف وثلاث اميه وواحد وخمسين=اصبح به اسم المملكه درع وحصون
يوم الوطن لو ينوزن با الموازين=في مملكتنا فاق ما كان موزون
لو قيل لك با المملكه غير عيدين=اقول لك عيد الوطن عيد ميمون
يصير ثالث عيد في ظل وافين=فعل اوعمل تاج الشرف له ينولون
آل السعود اللي بهم ينصر الدين =من فوق عاهل ذروة المجد يسمون
الفاضلين النادرين العزيزين=الباذلين لكل بائس وماعون
بيتٍ على عليا النفوس امتواصين=حيث انهم معدن ثمين ومضمون
الله جعلهم رحمة للملايين=كم بات ملهوف لكبده يبلُون
والله جعلنا في حماهم حظيظين=وافين والوافين ما ينتوصون
سعوا لراحتنا بكل الميادين=وصرنا جسد واحد عفيٍ ومصيون
من كل عدوى سالمين ونظيفين=شف رمز وحدتنا بظل اخضر اللون
الله يديم افراحنا قولوا : آمين=وعسى الجميع لمثل ذالك يعودون