.. ترحيب ..
ميـة هـلا ياشاعـرٍ ذاع صيتـه
بجبال حايل وايضا بغيـر حايـل
كم لي وانـا ادور وتـوي لقيتـه
مشتاق ابا اسمع من هجوسه جزايل
الشآعر .. زآهي . .صح آلسآنك
................................................
.. ترحيب ..
يالعنبو حي السنافي وميتـه
مايترك لغيره فتات الجمايـل
يازاهي الاشعار باسمك زهيته
للي سواتي مايحل التحايـل
الشآعر .. عوآد العلي .. صح آلسآنك
................................................
..عتب ..
حل التحايل في هنوف لقيته
ذرت بقلبي حاميات الملايل
تبعتها عل انـي أدل بيتـه
لكن حظي بالاشارات مايل
الشآعر .. زآهي ..صح آلسآآآنك
................................................
.. عتب ..
اللـي كتبتـه يالسنافـي قريتـه
تشكي على اللي شاف نجم القوايل
لا لا تكـرر قولـت انـي تليتـه
احسـن تفاداهـا وتلقـى بدايـل
الشآعر .. عوآد العلي .. صح آلسآنك
................................................
.. عتب ..
لو شفتها مالمت من قال ليته
في زينها ما اظنها له مثايل
اما انت متعلق بغروٍ هويته
ولا فلالك بالهوى قول قايل
الشآعر.. زآهي .. صح آلسآنك
................................................
..عتب ..
تبنى وتهدم بنيك اللي بنيتـه
الحب ما يلغي حميد الخصايل
مني لها صدق المشاعر فديته
واحاول ارضاها بشتى الوسايل
الشآعر .. عوآد العلي .. صح آلسآآنك .
................................................
..عزه..
امشي على دربٍ بنفسـي بديتـه
ولالي بذنب اللي من الناس مايـل
لمصاحبي ما اخفيت شـي نويتـه
ولاجال في صدري من الشك جايل
الشآعر .. زآهي .. صح آلسآنك
................................................
..مدح ..
والله كفو واقولها ماادعيتـه
ياشاعر ماجاب كذب وهزايل
اقطف ثمر بذر بجهدك سقيته
اقل واجب ياعريب السلايـل
الشآعر .. عوآد العلي .. صح آلسآنك
................................................
.. مدح ..
تسلم لنا يافايق اللي هقيتـه
نسل الشيوخ مجابهين القبايل
لا يبعد حي النماصي وميته
تسلم لنا ياكاسبن كل طايـل
الشآعر .. زآهي .. صح آلسآنك
..............................................
آتمنى آني وفقت ولو بشي بسيط .. والله يبيض وجيهكم
شعرآآآآآآء والحآظرين لاهنتوآ على هذآآ التوآآآآجد الرآآئع
مع آني تحريتكم تخلصون .. وكنت آبنزل قصيده ولاكن آنتم كفيتوآآ ووفيتوآآ
تحيآآآتي للجميع
|