صحيـح مـن قـال البـشـر عــدة اجـنـاس=دنــيــاك تـجـمــع قــاصــره مـــــع طـويــلــه
يـاصـار لـــك نـظــره وتمـيـيـز واحـســاس=تـــشــــوف شـــيــــاً مــاتــوقـــع حـصــيــلــه
بــعــض الاوادم خــوتــه تــرفـــع الـــــراس=والــبــعــض الاخــــــر لـلـمــخــوة فـشـيــلــه
والـطـيــب والاخــــلاق تـمـيـيــز وقــيـــاس=لـــلــــي يـــبــــي فـــــــرق الاوادم دلــيـــلـــه
السيف مايوصف على وصف الامواس=والــثــوم مـاريــحــه مــثـــل ريـــــح هـيــلــه
وفعـل الـرداء تلقـاه فـي جمـع الاهيـاس=الــلــي عــلــى جــــزل الـمـبــادي بـخـيـلـه
راع الــــرداء تـلــقــاه بـالـفـعــل هــســـاس=الـــطـــيــــب بـــالافـــعــــال مـايــســتــويــلــه
قـربـه يسـبـب لــك وجــع راس وعـمــاس=ابــعـــد عــنـــه خــلـــه يــــــروح بـسـبـيـلــه
يـولــي ويلـقـالـه شبـيـهـن مـــن الــنــاس=يــاصــر لــــك فــــي يــــوم فــرقــاه حـيـلــه
قـربـه يهـيـن الـنـفـس ويـسـبـب افـــلاس=وســوالــفـــه بـالــكــبــد مـــثــــل الـمـلـيــلــه
عـلـيـك بـالـلـي قــربــه مــعــزه ونــومــاس=الــلــي بــوقــت الـظـيــم حـمـلــك يـشـيـلـه
عـنــد الـشـدايـد بالفـعـايـل قــــوي بــــاس=وفـعـايــلــه فــــــي كــــــل مـــبـــدا جــزيــلــه
ومعـروف قـوا البيـت مــن قــوة الـسـاس=ولايــــــدرك الـــطـــولات نــــــاسٍ هــزيــلـــه
والـرجــل يـوجــد لـــه مـكـانـه ومــجــلاس=ومـجـلــس يـجــيــب الــهـــم دور بـديــلــه
دايــم خـبــر كـونــا يـصـحـح عـلــى واس=والـنـفـس ماتـقـبـل عـلــى الـــذات مـيـلــه
وانــا ادري ان الـرمـز بالشـعـر حـســاس=يصـعـب عـلـى بـعـض الـرجـال اتحلـيـلـه