الهاجس اللي كلما اشتد الخصام=بيني وبينه دخّـنت مباخـره
دايم معودني يجيب افكار خام=فكره يصورها بصوره فاخره
لكن هالليله عدامٍ في عدام=ينظر لهالدنيا بنظره ساخره
اسلافنا قالوا على الدنيا السلام=وحنا وراهم فوق متن الباخره
هذي هي الدنيا ممر الى الامام=جسر العبور الى مقام الاخره
اللي بها يفنى ولله الدوام=والعظم تسعر فيه سوسه ناخره
لَـكـنْ الله الله بالصلاه وبالصيام=اعمل على شان الحياه الزاخره
البِر والإحسان وإطعام الطعام=نعم الزّهاب اللي لجوعك ذاخره
واللي تحرى للمفيد من الكلام=هـذا المفيد من اوله لين آخـره