قالو ياعيد الحب يرّث بك الشيب=خل الغزل ياعيد وطرد الحبايب
قلت الغزل تكفون وطرد الرعابيب=ماأتركه لو صرت في سن شايب
اكثر حياتي عشتها عيشة الذيب=في طردهن سويت فن وعجايب
احيان دايم يخطي السهم ويصيب=مااقط وجهي دوم في كل خايب
شري على اللي عطرها باللغابيب=طرقا كحيلت عين سودا ذوايب
اعرف طريقي واعرف الشك والعيب=الحب بين الناس مابه طلايب
اسري عليها تالي اليل تهريب=واقنع حبيبي طيب ماهو غصايب
واللي يلومن جعل ماله معازيب=ياجعل بين الناس ماله قرايب
الحب يضنك خافقي دوم ويطيب=ليا نضرت الزين ناخ الركايب
الحب نعمه للملا يالشنانيب=نعمه عطاكياه ربي وهايب
اذكر حبيبي وازهم الرجم والليب=واللي يلومن جعل حظه ترايب