ابيات
فيسبوكيه لها اسبابها
من ارشيفي..
ديكٍ نفش ريشه على طلعة الشمس=يرقص طرب ومجمعٍ كم بطّه
مايدري انه لوهمس بالخفى همس=نعرف مرامي همسته وين حطّه
مسكين ضيّع خمس من خيرت الخمس=وان غز راسه قالو الناس وطّه
يصيّح وصيحاته تسـبب له العمس=يملك تردد خاص لأكذب محطه
حنا نحمس الكبد في نارنا حمس=ونحط فوقه ملح ونحط شطّه
نرفع صهيل اصواتنا ماتجي رمس=وبعض الخشوم بوسط رمله نغطّه
واللي يجينا مضيّع امسه وقبل امس=له عندنا ياضيّع الدرب خطّه
ياللي تحب اللمس ويخيفك اللمس=ابالمسك واعلى الطويلات نطّه
بقلم
بدر المذود