للشعر بوح للقـــــــصايد ترانيم = هذا مثل مدري من اللي يقوله
واليوم راح الشعر كله طلاسيم= مهبول وتصفق معاه مهبو له
وانا سمعت مرهم العلم ترهيم = عليه غاره و الذلول معقو له
ولو قيم الشاعر على الشعرتقييم= ماشفت كلن قام يشعب ذلوله
وياقوم يابعض الصور والتقاسيم = كله خطاء والمرجفه طبلو له
وابا اقلب الموجه على غيرتعميم= ولاعم كل الخلق عرضه وطوله
وانا ماحب معتم النور تعتيم = حنا بزمان المعرفه ياجهو له
تغيرت ياناس كل المفاهيم = وكلن على رايه ورغبة ميو له
دقق ولاحظ بالصور والتصاميم = عزي لكم يابايعن الرجو له
واقع مرير محطم المجد تحطيم = مات الضمير وارثوه السيوله
شف حالنا بين الملا اصح يانيم = يضحك علينا الغرب وريح أسطوله
شرق أوسطي مقسم اليوم تقسيم = والروس من كل العقول مغسوله
كلن على أمواته يشييع مراسيم = ماهو نصر الا لتفكيك دوله
وماقول انا الفاهم ولا احتاج تعليم = لاني نبي الله ولاني رسوله