يالعيـد عيّـت تكتمـل فرحـتـي فـيـك = قلـي عـسـى مـاشـر بيـنـك وبيـنـي
كـل عـام ياعـيـد العـروبـة أداريــك = وأشـوف وجهـك ياالفـرح ماتبينـي
خلي سمـح لـي يـوم لاحـظ تحديـك = مـن شــان واقعـنـا تبـيـع الثميـنـي
لـبـيـه ثـــم لـبـيـه لعيـونـهـا ذيـــك = لبـيـه مــن قلـبـن غــزاه الونـيـنـي
أطلق بنـات الأرض مافيـه تشكيـك = هـذا صحيـح القـول واخـذ اليقيـنـي
الزيـن واجـد والـد لـع منـه يغريـك = يشوش منهـا الحـر منسـب ودينـي
ومـرابـط الخـيـل الاصـايـل تكفـيـك = لاصرت تشقى في النسب يالفطيني
الأب جــده متعـبـن خـيــل ذولـيــك = والآم أهلـهـا مطلـقـيـن السجـيـنـي
بالـجـاه قـالـوا فــك مـاحـط بيـديـك = وعند العزاوي جنب ضلعـن متينـي
فيهم من جـذور الكـرم حاتـم أفتيـك = ومــدراك ماحـاتـم كـريـم اليمـيـنـي
وختامهـا حبـك سكـن قلـب مغلـيـك = وعسـاى أحقـق مطلبـي يـا ظنينـي