يالله دعـوتـك دعــوة المظـلـوم فـــي لـيـلـة قـــدر = وأنت العزيز "المنتقم لـه" مـن عميـل(ن) بايـره
أسـالـك هون عـسـرهـا وتـصـيـر يـاربــي يـسـر = وأكـون فــي ظـلـك بـيـوم(ن) كــل نـفـسً حـايـره
يا أرحم من الأم الحنون ادعوك وانت المقتدر = تفـرج همـوم(ن) يـا ألاهـ, الكـون عنـدي ثـايـره
بـداء محـرم وانتهـى وإقـفـى ورى مـحـرم صـفـر = وربـيـع منـصـوف الـثــلاث الـلــي علـيـنـا دايـــره
أقـــدار تـجــري حـولـنـا والـنــاس قافـيـهـا الـقـبـر = وأربـع مـن أسـوء مـا لفتنـي والـبـلاء متصـايـره
سلـمـان مكـسـور الــذراع وقـيـل للـمـؤمـن قـــدر = يـصـبــر لـحـكــم الله ونــدعــو تـنـجـبـر كـسـايــره
صغيـر سـن ونسألـك يــا الله تلـطـف باالكـسـر = وتـلـد عـيـنـاً "شـبـحـت بـــه" والـنـفـوس الـغـايـره
والعيـن حـق وتـودع الـرجـال فــي وســط القـبـر = هـــذا كـــلام المصـطـفـى صـلــوا عـلــى نـشـايــره
والـلـي بعـدهـا تصـتـدم ويـردهـا ضـلــع الـصــدر = لــــولا الـحـنـايـا درعــهــا يــمــدي دمــانــا فــايـــره
سمعت ناساً صوتها عالـي وتحكـي عـن خبـر = هـز اليهـود (بـلاب تـوب) أشلـون لـو آبطـايـره
قلـت انصتولـي بـس لحظـه دامكـم قلتـوا عمـر = أسـمـاً لــك الله مـنـه جــن الأرض فـــرت نـايــره
سمـي أميـر المؤمنيـن اللـي بسيـفـه كــم دحــر = وهـــذا حـفـيـد المـطـلـب مـالــك يــكــود أتـسـايــره
والفـرس بـانـت طمعـتـه وخليجـنـا نفـطـه هــدر = واكـبـر طمـوحـات الخلـيـج الـلـي ركـــز عـمـايـره
هـذي هـي الجـولان حـولـي ياعـروبـه تحتـضـر = عـلــى يـديــن أبـشــع قـيــادة فـــي زمـنــا جـايــره
من يحصر أجرام الطغاة اللي لايمكن تنحصر = عـمـيـل فـــرس وكـلــب غـــربً ركــــزت نـصـايــره
قـامـوا يـوزونـه عـلـى ألـسـنـه ويـأخـذهـم غـــدر = حتـى الخشـوم الفطـس تحضـر للبغـل سجايـره
لـكــن عـلــى الله نـصـرهـم والله دايــــم مـنـتـصـر = ولا الـعـروبـة عـــن بـعـضـهـا يـاجـمـاعـه نــايــره