ياالله يالمعبود يالواحد الحي = ياحي ياقيوم يامحصي الناس
ياالظاهر الباطن عليم ٍ بما في = ياالشافي الباري ويامذهب الباس
ياالدائم الباقي وغيرك مقفي = يالخالق المُميت يامصور اجناس
ياالرازق الفتاح ياخير مغني = ياذو الجلاله ملك غيرك بلا ساس
ياالهادي الوكيل يالبر معطي = ياالباسط الخافض وياقابض انفاس
رحمن يامُغيث يامنزل المي = ياباعث الاجداث يامحيي ايباس
يالوارث الأول والأخر ومحصي = حسيب جامع كل شيء ٍ بمقياس
يالملك القدوس يامدبر الشي = يامالك الاملاك يانور الاغلاس
ياالواهب الكبير غافر لمخطي = يامجيب دعوات الذي فاقد الياس
رقيب واسع ماعلى الله مخفي = هو القوي الوالي اللي على الناس
هو الحليم اللي بصير ٍ بوضعي = هو الخبير السامع لكل وسواس
هو الرحيم اللي رؤوف ٍ ومكفي = هو الودود اللي لطيف ٍ بالاحساس
الرافع المعز المقتدر بي = المبدئ المعيد للروح الاوناس
المؤمن السلام العدل ربي = الحكم الحكيم حكمه على الراس
انت السميع اليا طلبته سمعني = انت العفو وفارج ٍ كرب الاحباس
انت الغفور اليك اسلمت وجهي = انت العلي اللي على العرش جلاس
انت الكريم اكرمتني يوم خلقي = انت البديع اللي خلق صحو وانعاس
انت العظيم المنتقم وانت تمحي = زلات عبدك لو غدت كبر الاطعاس
انت المذل ومنك لاشك ذلي = انت المتين القادر لقطع الارواس
انت المجيد الماجد الواجد الحي = المقدم التواب ياجال الاعماس
انت الشكور اشكرك من كل نفسي = انت الحفيظ اللي حفظني بحراس
انت المهيمن انت تأمر وتنهي = ياالقائم العالي على كل الاجناس
انت الصبور مبيّن الرشد والغي = انت الولي امبدل امعاش بلباس
انت المؤخر وانت جالب لحتفي = انت الشهيد الحق والحق نبراس
ياالراشد الجليل يامنشي الضي = انت الغني طالبك من دون الانجاس
جبار متكبر حفي ٍ ومصخي = فرد ٍ صمد عزيز يعطي بلا قياس
ياالقاسط المنان تاخذ وتعطي = يامسيّر الريحين صرصر ونسناس
يالمانع النافع رفعته لك ايدي = ياالضار ياالمُقيت في وقت الامساس
ياالقاهر الحميد عليك ابشكي = ياساتر البلوى ويامجلي الاغساس
بأسمائك الحسنى الهي ابدعي = يامنجي اللي فالبحر راح غطاس
يامنجي ٍ يونس من الحوت والمي = يامشفي ٍ ايوب من بعد الاتعاس
تشفي سعاد من المرض لين تصحي = اعوذ بك من كل وسواس خناس
مقبل عليك وعن خلايقك مقفي = يارافع البلوى قبل تاقع الفاس
يرجيك عبدك كل يوم ٍ ويثني = تلطف بها قدام تقطيع الارماس
مؤمن وراضي بالذي فيه تقضي = مؤمن بقدرك مالنا عنه دساس