يا جاهل بالمعرفة إلعن ابليس = و إلإ على رأسك تدور المصايب
حنا الطنايا كاسبين النواميس = حنا الطنايا كاسبين العصايب
حنا نحل مشربكات اللواليس = حنا الطنايا متعبين الركايب
حنا مناوي مرهفات الأحاسيس = حنا هوانا بالأمور الصعايب
يوم همك بالغناء و المراويس = حنا لنا بالمجد حق و طلايب
حنا قروم المجد حنا السناعيس = المجد مع دم الشرايين ذايب
تزهر بأسمينا بياض القراطيس = و بوجودنا يستبشرن السحايب
أرزاقنا ماهي بغش و تدليس = يوم أن علم موّرد الخد خايب
وش عاد لو قالوا يدينا مفاليس = الرزق عند اللي يدير الهبايب
و أقدامنا عدت وّعار التضاريس = وجباهنا تعشق سموم اللهايب
و صدورنا تغلي هموم و هواجيس = لا طوّحن بالصوت شقر الذوايب
لعيون خدرات لعيون النواعيس = نارد حياض الموت و الخوف غايب
إليا جبرنا الكسر نضبط له القيس = وليا كسرنا العظم ماهو بطايب
وهبه من الله ما خذيناه بتدريس = سبحان قسّام العطاء و الواهيب
الشاعر / محمد العايد