السلام عليكم
ابيات متواضعه والسموحه تروني استعين بمن ينزل ويكتب لي
الجو برّد وبان سهيل=والقيض قفت لواهيبه
واللي يحب القنص بالحيل=بدا يشيّك على جيبه
صفط فراشه وشال الشيل=وخذا الاذن من معازيبه
ياماحلا ياغشاك الليل=في ديرةٍ عاويٍ ذيبه
قفر ومن يوم جاه السيل=ترتاح له يوم تمشي به
سويت فنجال بن وهيل=والزعفران من ابو شيبه
معك مثل ساير الحلحيل=مبسوط لو طالت الغيبه
هذا هوى القلب ياقعيميل=خوة هل الطيب ياطيبه