بسم الله الرحمن الرحيم
ملخص محاورة شعرائنا لهذه الليلة ليلة الثلاثاء 18
ربيع الأول 1434 هـ
بدئها الشاعر القدير فهد الظويفري
يقول
سلامي ع شمر هل السيف والخيـل=سلامُ نسوقه والمعـــــــاني مراديف
حضرنا بعد دعــــــوة حفيد الرياجيل=خوي الرجال اللي يويق المشاريف
رد الشاعر نداء المفضلي
هلا مرحبا ويزين ســوق الفناجيل = وعلى اذنكم نبا نسولف مع الضيف
وبسمي هلا واسم الرجال المشاكيل= طبيــــــــعه لنا يوم الليالي تنا تيف
رد الشاعر سطم فهد الخليل
هلابك هلابك فالك البن والهيل=تفضل تفضل مرحبافيك يالضيف
قدومك قدومك يافهد كنه السيل=محلك محلك طلتك فيه تشريف
رد الشاعر فهد الظويفري
يدوم البقا والكيف جوف المعاميل=وضيفك ليا من جاك تضبط له الكيف
وعسى الله يديم مكرمين الحلاحيل=هل الطيب ما تحتاج فالوقت تعريف
رد الشاعر نداء المفضلي
ترى موجز النشره يعم التفاصيل = ويمـــــــــنى بها دله ويسرا بهاسيف
ولا يافهد ياليل يامــــطيب الليل = نجيب الجزيله لو وراء الحزم وطريف
رد الشاعر فهد الظويفري
نعرف الرجال ولا جهلنا المهابيل=ويمنى بلبا سيف جتها الصواديف
تساهيل لامنك بغيت التساهيل=وموتن حمر من دون عضم وغضاريف
رد الشاعر نداء المفضلي
على راسكم هلت حقوق الهماليل = تصرف تصرف كان عندك تصاريف
يغزي ابرهه ويرجع بليا محاصيل = يحسب العرب دايم تجيله على الكيف
رد الشاعر سطم فهد الخليل
حللتم محل يحل حفيد الحلاحيل=قدمتم قدوم اللي قدومه بلا تكليف
مراحب مراحب مرحبا يالمقابل=بحمر النواظر متعبة شذرة السيف
رد الشاعر فهد الظويفري
عسى الله يديم مكثرين التهاليل=ويجزل عطى اهل الطيب فالبرد والصيف
وطيب الطنايا من قبل طير ابابيل=شهدبه صحيح العقل يوم المواقيف
رد الشاعر فهد الظويفري
علوم القضيه ما تجي فالتعاليل=وبعض الدعاوي ما وراها تحاسيف
ومداهيل بعض الناس ماهي مداهيل=تطيح اقنعه ويباين الغش والزيف
رد الشاعر نداء المفضلي
وليا فهد نشوف سيلن بثر سيل = عســـاها تجي قمه مثل قمه جنيف
انا عارفك دايم تحط المـــعاديل = وصولك لنا ياصاحب العرف تشريف
رد الشاعر فهد الظويفري
نعرف الرجال ولا جهلنا المهابيل=ويمنى بلبا سيف جتها الصواديف
تساهيل لامنك بغيت التساهيل=وموتن حمر من دون عضم وغضاريف
رد الشاعر فهد الظويفري
حضرنا تحت ضل الغصون المضاليل=في دار الرجال اللي حمو ناصي القيف
لكم منزله عند العبادل وتبجيل=عسى الله يديم العز عند الشواحيف
الختام رد الشاعر فهد الظويفري
يجيك الخبر وتشوف ضرب المصاقيل=ومن لا يعرف اهل الوفا جاه تعريف
ويلا عرضت الدعوه تجيك التحاليل=وبعدين ما تنفع ولا فيه تسويف