يالله يالمعـبـود وال المقـاديـر=ياواحداً ماخـاب مـن يستجيـره
يالمعتلـي رزاق عـوج المناقيـر=تحفض لنا بحماك صقر الجزيـره
الله يفكـه مـن جميـع العواثيـر=وعن كل نكبات الزمان الخطيـره
جانـا الخبر قالو توجـه لتخـديـر=لابـد مايحتـاج وقـت بسريـره
يالله تبـدل كـل صعبـاً بتيسيـر=بيديـك تسهيـل الامورالعسيـره
والحمد للمولى عضيـم التدابيـر=تباشـرت بشفـاه ناسـاً بشيـره
واعاده الله للوطـن مقـدم الخيـر=سيف العروبه تاج نجـد وسفيـره
والمملكه بشفـاه ترفـع تباشيـر=عم الفرح في كـل ديـره وديـره
وتباشرو بالصوت كل الجماهيـر=من عقب حزنه والدموع الغزيـره
شعبك يوافيـك المعـزه وتقديـر=اكيـد لوطـول غيابـك يثـيـره
كل الدول ثم غيره وغيـره وغيـر=محبتـك بقلـوب عالـم كثـيـره
ارضيت شعبك يوم قلت التعابيـر=وكسبت رضوان الجموع الغفيـره
حنا يمينـك مانتهـاون بتقصيـر=نحمى وطنـاء بسـلاح وذخيـره
نقولها من دون شرحـاً وتفسيـر=دون الوطن حدب السيوف الشطيره
لعيـون ابومتعـب حماتاً طوابيـر=وحكامنا اللـي تابعينـاً مسيـره
اليا دعونـا باللـوازم حواضـيـر=بالسمع والطاعه ونفسـاً صغيـره