يالله يااللي مال لغيرك ترجيت=ياعالمن مكنون عبدن جحدها
باسمك يارب مكون الكون سميت=يالواحد اللي ماخسرمن عبدها
يالمقتدر رب الملى باعث الميت=يانافخ ارواح العبيد بجسدها
يالله بسمك ربي يالله ناديت=يرجيك عبدك رافعن فوق يدها
انت البصير اللي بعرشك تعليت=وعبدك بلى حيلك ضعيفن جهدها
يامهلكن ناسن عصاتن طواغيت=يافارج الشدات مرخي عقدها
ياعلمن مكنون عبدك ومااخفيت=عبدن ترجى رحمتك ياسعدها
اطلب منك عفوك والرضاك صليت=تفرج لمنهو ضيم وقته هجدها
البارحة في مرقدي ماتهنيت=وحالي تزايد به عناه ونكدها
تجتاحن العبره ليارحت وان جيت=وطوارين باالقلب يبلش عددها
تواردن مع كل صوبن مواقيت=والكل منهن مشعلن بي وقدها
وروابعن تاتي ورود ومفاويت=والخافي اعضم لوتكلمت ودها
مالي جدى ياكود جرالتناهيت=ويسرح بذهني شي نوبن لهدها
ويسج بي في مجلسي نوب تفويت=واصحي بكلمت شخص يمي نشدها
وان جيت ابرقد يقعدن نوب تصويت=امي تنادي مالغيره ولدها
اسمع صدى صوته تنادي ولبيت=مثل السحاب اللي بعيدن رعدها
ونا اللوحيد اللي معه داخل البيت=من غيبتي حل المرض في جسدها
واللوم روحي كل مااصبحت وامسيت=كيف انعميت وصاب عيني رمدها
ياحيف انا طاوعت ناسن سرابيت=واليد ماتصفق لحاله وحدها
وابنتخي بطيورشلواى الحصاميت=والحرالاشقر يعجبك في هددها
انخاك يامتعب ونالك تعنيت=علمك يشرف والمعالي صعدها
يامعيشن ذيب الخلى طيب الصيت=من لابتن من عاش عنده حمدها
ابيك تفزع يوم باسمك تنخيت=والحرمثلك الاوامر بيدها