نشكـر الله منشــياً غـــر السحايب = الـــعـظيـم اللي عــبـاده تــلتـجيبه
ثـم لجـــديع المجــد نطــاح النــوايـب = مسـبــبٍ جـمعا الـقرايـب مع قريبه
اسعد اللــحظات في شــوف القرايب = مــثــل هــذا اليـوم كــلاً مـهتنـي به
باجتـماع الخــير وجــديـع الــسبايب= يالله إنــي طـــالبك تـــرفــع نصيبه
شيخ طيب وشيــخ فعل ورأي صايب = وكـلـمــة من غــير حــق مايحــكي به
والشيــوخ حجاب عن لفح الهـبايب = للقبـيــلــة والــعــذارء تــعتــزي به
والشيوخ بلحـــظة حـدوث المصايب = رأيـهــم كــل الـقبـيـلـة تــقـتدي به
وابن لغيصم شـيخ للمطلوب جايب = والـثـقــة من رئـيس البيعة حظي به
كـلــم اللـي كـلمـتــه مـابـه طـلايب= تـعتـــمـد مــن دون تــأخــير يجـي به
قــال لــشـمــر طـلبـتـن مابه غرايب = يابو فيصل مثل شخصك تنهقي به
مــزايــن لأذوادهــــم والــفــال طايب = وأمــركــم لـه يـحـتـري شبه وشيبه
قال له ابشـر وأنت يا جديع السبايب = خـل شــمـر يــابو مــذود تـهتنـي به
شــمـر اللـي مــن عــلى دور الركايب = لـــه فــعــول ولـــه تــواريــخ وهيبة
ويوم ابــو تــركــي قــلــع دور الحرايب = عـاهـدوا في مـدي الــشمـس لمغيبه
لــبيـرق الـتوحـيـد والـوحدة حضـايب = ولايخـونــون الـعـهـد وقـت المصيبة
وقال ياســعـــود المــــواقف والطـلايب = له رجـال يـابـو فـيصل تــعتنـي به
مــع شـهــيــم عـضـدك الأيمن ونـايب = نــايــبـك ياصــار لـسـموك مغيبه
وابـن خــالـد حــاضـــرن ماكان غـايب = والأوامــر من حكـومـتـنـــا رضي به
لأجل شـمـر ســهلوا كــل الصعـايب = وكـل حـائــل للـمهـمه مستجيبه
وشــمــــر اللي سلمهم مابه مـعايب= تــشـكر اللــي مـافعايلـهم غريبه
وشــمــرٍ كــلــه بــنـي عـــم وقـرايب = ومـن فـعل طيبِ شملهم كل طيبه
ولابتــي يــوم هــي قـــومـات ونـهايب = عــيال زامــل بــاللقاء توجع حريبه
فــوق قـــحص الخـــيـل وركاب عـرايب = تأصل اللي مــابعد قــبلـه مشي به
ركـــن شـمر لحظة الـسلم وغـضايب = عـــدو عــينـك بـالمـواجـه يبتلي به
كــل شــمــر مـابـهـم للطـيب هايب = للـمراجـــل والــوفــاء منهم وهيبه
لابــو مــتعـب عـــند واجبـهم كتايب = خـــادم البـيـتــين فــي مكة وطيبة
مع ولــي الــعهــد لـو صــارت حرايب = الحــرايــب كــل شــمــر ماتـــهيبه
وكــاسب المـخــلــوق بــاخلاق رحايب = مـــقرن اللـي كــل طـيب ينهقي به
والســموحــة كــان بــأمثالي شوايب = الــكمــال لــواحــدٍ يــعـلـم بغيبه
والصـلاة إعـــداد مـــاتــهل الـنهايب = عـلى مـحـمـد مـنـقـذ الأمة حبيبه