مـاعــاد تـفـرق لا ولا باقي بها فَرق=دآم هـالـخافق معبي من أحزانه عبي
ان صاح صمتي يقتل حروفي الآرق=في سآحل شفاتي حيث الحروف تحبي
وأن بقى في دآخلي يطرق الخافق طرق=يعني بكل حالآتي الضيق سابيني سبي
آقضم على كف الصبر ولاشفته نطق=كنه يقول بصوت صآمت: يآحزن تهبي
مدري من ذكائه بالفرح مره ماوثق=او انه تغابى وهو مآخبره غبي
يآكبر حمل الذي يموت ثم تحييه الورق=لآصار موته بالدقايق والسبب دون سببي
نويت ابتسم مرهـ وآثر جوفي شرق=والحظ اول من ضحك في حال تعبي
شف هالكرا يسكن بعين الخلايق والآرق=وانا من أرق يومي أهيجن بلحن أجنبي
كني مدينه خاليه وغيوم الشقى له برق=وريآح الألم تزيد في نــــآر حطبي
عليك الله يآوقت(ن) ماعدت الاقي بك فرق=تطرق بمسمار التعب والموت يدبي دبي
تدري وش أكثر وجع يزود عن حرق الورق =لاصار همك شايب(ن) والفرح توه صبي