صح ابدوي في عيشتي ما تهنيت=دوم البداوه راسخه في كياني
كم ديرةٍ حطيت به ثم شديت=كل ما نطخت بديرةٍ ما مداني
ياواقع الحالي ترى منك عانيت=تعبت اساير واقعٍ شقلباني
قضيتها مابين هم وتناهيت=همٍ يسريني والاخر حداني
ياشمري ماينفعك لو تشكويت=بين الحضاره والبداوه تعاني
كني معايد قريةٍ مابها بيت=خرسى ولابه من يرد التهاني
افلست من عيد الاهل ماتونيت=احضا بشوف اللي تعنًا عشاني
يوم البدواه بعزًها ذعذع الصيت=يوم الردي مقموع ولاًش داني
واليوم صرنا بين سردار وفليت=كلٍ يقول الوقت هذا زماني
المفسده بالارض شلل الطواغيت=الخيًر اللي منهم درجماني
لو انها بالرمح والسيف ياليت=يوم الرجل ينطح قبيله علاني