الحال ياللي تنشدوني عــــن الــحـــال=مامـن جـديـد الا عـيـونٍ حـــزيـــنـــه
وابيات شعراً مرها الضيق يــخـــتـــال=كنه ملـك عـوج الـضلـوع وانيـــــنـه
والفرحه اللي عايشـه بـيــن الاطـــلال=يغـتـالهـا ظـلـم الـزمــان وسـنيـــنـــه
واحلام عمري والامـــانـــي والامــــال=تـبقـى لعـم الغـيـب دايــم رهـــيـــنـــه
وعيوني اللي تمـطر الـدمـــع هـــمــال=مـا ردت الـلـي راح بـيـني وبــيـنـــه
وايـامي اللـي عـشتها ظلم واهـــمــال=تكتب عـلى خـد الزمـان وجـبـيـــنـــه
عزيز قوماً جــاه مـن وقــــتـــــه اذلال=ولا قـــتـــلـــه الا خـــناجـر يمـيـــنــه
مـلـت شــــوارع ديـرتـي كـــل الازوال=وانــــا بـعــد ملـيـت ظـلم المـديـــنــه
واخترت اسآفر واكسر الضيق بالحال=واقتل غرام القلـب وافـنـي حـنـيـنــه
وسافرت ادور عن لهب شمسي ظـلال=واعتقت من عيني دمــوعٍ سـجــيـنـه
بـكـيـتــهــا وانـا ادري الـدمـع لو سال=يـقـتـل مــلامــح عــزتــي بـالـغـبـيـنـه
اكــذب عـلـى نفـسـي واقول الالـم زال=وانـا ادري انـي مـخـتنـق فـي يديـنـه
ومـاطـبـت فـي حـلّي ولا ارتحت رحال=وكـلـي مـوانـي بـس ويـن الـسـفـينـه
ويـن انـتـي ياللـي لا طريتي على البال=تــنـفـسـت كــل الــجــروح الــدفـينـه
يــاللـي غيــابـك طـال ومـعانـدك طـــال=مــتـى عـلـى الله شـاعـرك تنـصـفـينه
انــا صــبرت وعــدت اجــيال واجيــال=لــلـحـين حــبـك بــالـيديــن الاميــنــه
مــاغــير احـسـاسي ردا الوقت والفـال=ولا نـــســيـت انــك لـقلـبـي ظــنيــنه
وان كــان تــنـشـدنـي جديدي والاحوال=مـــامــن جــديــد الا حــيــاةٍ حــزينـه
لان الــدمـوع ان سـالـت بـعـين الاطفال=لــو مـاعـرفـنـا اســبابــهــا عاذرينه
ميـر الـبــلاء دمـعـة عــلـى خــد رجـــال=تبـقـى عـلـى طـول اللـيـالـي غـبيـنه