على فكره تراني خنت.. مريت المكان عصير=لقيت اغرضنافي نفس .. مجلاسك ومقعادي
لقيت حول المكحله طيرٍ.. يغردآآه يا ذا الطير=يجيب لحون يشدوها.. يجنن لحن ذا الشادي
تصدق قمت اجاوب له.. بغيت اقلب معه وأصير=أصيرالكورس لياغني.. صداه يروح للوادي
لقيته شنطة اغراضك.. تفوح بجوهاتعطير=بهاعطرك شذاه يحيط.. كأنه للملا ينادي
وجدْت بشنطة أغرضك.. بدفترخالي التسطير=لقيت بوسط صفحاته.. قصاصه ريحها كادي
لقيت أسمي معه أسمك.. بقلبٍ منرسم وصغير=ووسط القلب سهمينٍ.. كأنه رمي لمعادي
وتصفحت الورق كّله.. اقلب بالورق تدوير=أقلب كل صفحاته.. وكشفت اني انا غادي
عرفت انك تحبيني.. وحبك ذروته لي غير=دريت انك مهيم بي.. وعلي بشعارك تنادي
وقفت بدفترك لكن.. وانا اطالع عجزت أسير=تحرول ساقي ووقف.. بمكاني وقلت ياهادي
كتابتك عجيبه ماتبي.. من الطابعه تحرير=تحررداخل أسواري.. طبعها القلب بفوادي
اثآري سرك تخبيه.. بصدرك جمتين و بير=آثآري البنت تعشقني.. وهمْه دوم أسعادي
غريبه ليه ماحسيت.. ولونظره له تفسير=شعوري معك يالّباك.. خمول أقل من عادي
الآيارب سامحني.. عسى المانع يجي بالخير=عسانا نلتئم دايم.. واشوفك زين من بادي
قعدت الم اغراضك.. لعلي آآخذه تبرير=عساني يوم اجي عندك.. الاقي عذر ميعادي