ياصار أنا شاعر وربـعـي شمر=أهل الـوفاء في كل عـهـد ودور
أهل الوفاء والطيـب والحمـيـه=قـبـيـلةً تـاريـخهـم مـشهـور
تـاريخ يـعرف والـفعـول شهــوده=وقـصراً عـلـى ساس الوفـاء مـعمـور
شمر لهم تاريخ يعرف على النقاء=من هامهـم يـصبـح غريـق بـحــور
منابع الـشيـخـان مـنابع الـفخــر=والسـنـداء ماتـوصف على الحـادور
بفعـولـهـم وسلـومـهــــــم ذروة الـعـرب=كالـنـور يـجـلا ظـلـمت الـديجـور
غلبـا الطنـايـا شــمــر الـمـعـروفـه=بـالمرجله دايم طـوال شـبــــــور
غلـبـــا الـطـنـايـا بالكـرم مـشــهــوره=بأيـام جوع النـاس مـاض الــدور
غلـبـــا الطـنـايـا لـه وقـار وهــيـبـه=وساع الطـعون ونصـرة الـمـضـرور
غلبـــا الـطـنـايـا بالـوفـاء لـه واجب=العونــي ماقاله وهـو مجبـــور
يقول لولـى شمرٍ ضايع الوفـــاء=ومن يزعله قوله ماهو معـذور
لان الفعل هو ساس قول العـونـي=ولاهو بحال الحاقد المـحـرور
ولهم فعولٍ ماتوصف بـغيـره=وتـقلـيدهـم بدايـة الـدبــــور
اللي يقلد بالفعايل شمــر=ضايع وراسه بالـهوس مغــرور
عزالله انه ضايـعٍ لابليـنـا=والـوقت يـظهر خافي المستـور
لو قال يرجـع يـعترف بالـواقـــــع=وقلب العدو مع بـسرته مسمـور
وقصر المراجل قوته من ساسه=وللصندقه مايجمل الديكـــور
وتاريخهم خصيم من يـجـحـدلـه=والـضايع ما يعطي لغيره شـور
وتاريخهم يدفع شعـور الشــاعر=يـذكر من المحفوظ بـين سطـور
نويـت امجد لابتي بافعاله = بافعالهم "مافيه زيف وزور
ومدحاً ماهو صحيـح مايزهاله=والكذب عيب وقايـله محقــور
والفـعل يشهــد دايمٍ للفاعـل=ويصير دون الشك مثل الســــور
غلـبــا الطـنايـا تفتخر بـسلومـه=وبالدين له رايه مع الجمهور
جمهور أهل الدين واعطي دليله=ومن لاصدق بالمجتمع مخصور
من هم عدي حاتم شريـف السيره=عنه الحديث موثقاً منشور
أما الكرم ماحدٍ ينافس شمر=ولهـم على المجد الصحيـح عبور
حاتم زعيم الجود من جمع شمـر=وتاريخ حاتم بالكرم مذكـور
الطائي مضرب للكرم بالعالم=بالحاضر والا الماضي المنظور
وياقالوا الجربان من يجهلهـم=أهل الكرم بذالت الميسور
ومن هو جهل عبد الكريم ابو خوذه=وجهه على نقد الرجال صبور
نعدهم شاهدعلى طيب شمـر=والكل من شمر بهـم فخـــور
وأهل الكرم كثـير في جمع شمــر=ومن يـجحد الافعال جاحد نــور
وأهل اللحيسه في زمان المجاعه=وزوداً على الجوع المخيف شـرور
وسعدون بن عباس ذبـح مـعـيـده=لاجل ضيوفه ما ذخر مذخور
راع الصنينا اللي بـغربي حايـل=شهمٍ يـبـي علمه يجي مستور
من روس ربعـي وافتـخر بفعوله=ومجداً لنا لياوقت نفـخ الصــور
وذيب الخلا عشوه بالفعل شمــر=ابـن سعـيـد مافعل مخبـور
والجار له تقدير بـسلوم شمر=الاحمــدي له بالوكاد سبـــور
من حرب ويـذكر للطنايا جيره=نطلب عسـى ذنبه يجي مغفـور
والشهم بن عايش والشهم الصلعاء=اسقوا ضوامي مضمين مضرور
ومرحبة بالضيف قبل عرفه=الرجلي والركاب فوق الكـور
اكيد شمـر لاجدالٍ حولـه=طـبيـعته في سلمه المشهور
ومن زهب الرواي هو والطرقي=وادخل على نفوس الثنين سرور
هاذي فعولٍ جاحده مايفهم=وللحقد في صدره قديم جذور
شمر خذوبه بالفعايل ميزه=وتبقى ياما تزول شـم الـطــور
واعتـاقة الارقاب من سلم شمر=البدو واللي مسكنه بالـدور
وحمود بـن طـوعـان فـعله شاهـد=والـشمري بالطيـب مايبــور
وان شذ واحد مايمثل شمر= وللطيب يوجد غيبةً وحضور
وخويهـم عاداتهم يلحقونه=ياطاح وسط المعركه مكسور
نذكر به الشلقان جابوا خويهم=في لحظةٍ يضيع راع الشــور
واللي الحق الهربيد هذاك جدي=شهـمٍ على طيب الفعل غيور
سميـة باسمه وافتخاري باسمه=اكيد جزالة فعل المخبـور
ذراعه صويب وقصته معروفه=نوخ ذلوله والحق المكسور
فريح بن عساف ماهو خافي=شيخاً لكن للواردات صدور
اخو شقاء صويب من طيب فعله=لوهو ردي ماينطح الصابور
وشمر بهم كثير ملحق خويه=والفعل صكٍ بالفخر مسطور
غلبا الطنايا شمر اهل النخوه=وبالحرب لو طالة وساع صدور
ياصاح صياحاً ويطلب فزعه=بعد الظلام يـشوف ضوء النور
اليانخاهم بالفعل تفزعله=وفي شاية الله جمعهم منصور
وقيادة الجمع الكبير لشمر=وضرب الطريق الموحش المخطور
يقودهم جزل الفعول اخو نـوره=وشمر معه بالواجبات حضور
في كل ديره ياصلون اعداهم=والكل منهم فارسٍ جسور
خذو على ذروات جوله وصوله=دهوراً بعدها بالزمان دهور
ياما صفة شبه الجـزيره لحاكم=حاكم بـشاية خالقه امـور
مال البشر في كل فعله قدره=دربه بشاية خالقه ميسور
صقر الجزيرة موحد الجزيرة=بحكمه اختار الشرع له دسـتور
وبـعده عياله واصلوا مشواره=مايـقبلون الظلم هو والجور
الله يجمعهم على الخير دايـم=ظهوراً بعدها بالحياة ظهور
مدحت شمر لابتي وافخربهم=ولاقول انا بكل العباد قصور
ياكثر من فعله وعلمه غانـم=الطيب زرعٍ بالبشر مبذور
يطيب من هو طاب بالفعل فاله=وفعل الردى مقسوم للمثبور
وصلوا على خير العباد محمد=ومن يقتدي في سنته مسرور