وين انت ياللي ما تمنيت غيرك=الا المنام اللي عقب غيبتك غاب
وين انت يدفعني ضماي لغديرك=عندي على غيابك مشاريه وعتاب
ليتك تشوف اليوم حالة عشيرك=اللي معك يتعب على بذل الاسباب
متى مصيري يرتبط في مصيرك = متى تلمّ اقدارنا شمل الاحباب
تجيب نسمات المحبّه عبيرك=يا ذعذع الغربي من ديار الاجناب
انا سجينك يا حبيبي واسيرك=سجني مؤبد والرجا بطلعتي خاب
في كل حالاتك بشرّك وخيرك=مهديك نظرات المحبه والاعجاب