البارحه ماغمض الجفن ياريف=والنفس ضاقت من بلاوي لهدها
يافاقده حضنين واغلى مواليف=الحكم للمعبود محصي عددها
ياريف واويلاه ماينفع الحيف=ماودي الأيام تسرع نكدها
توك صغيره في زمان الغطاريف=وسود الليالي كسرن لك عمدها
شيٍ يوصف يالضلوع المهاديف=قصة ألم واحزان يرعد رعدها
رحماك يارب الضعوف الملاهيف=يارب تكرم نزلهم في رغدها
ياخالق الاجيال شايف ولاشيف=عالم بجل امورنا في وعدها
يارب يارحمن يامكون الطيف=يارب تحمي ريف وتكثر سعدها