العيد تدري فرحته للمحبين=واخوك دوّر فرحته مالقاها
عيديتي.. دمعه على محجر العين=والعبره اللي في خفوقي صداها
كان الامل نبقى مع الوقت وافين=والدمع لامن طاح كف اب يداها
وان جيت ظايق من قهر وقتي الشين=لمّتني بلهفه وروعت دفاها
وش مزعلك منصور وين الوجع وين.؟=وتلمّني لمت طفل في ذراها
ريحت جسدها الطيب فل ورياحين=وانفاسها مثل العبير بشذاها
فيها حنان الأم ومتوّجه لين=وادفا من النسمه بهمست شفاها
...واليوم قفّت مابقا غير شيين=دمعه على الخدين واسمع إخطاها
في ليلتن نمشي بالاقدام حافين=ليلت فراق وخافقي ماقواها
جتني بدمعه..هيّضت محجر العين=والعبره اللي لعثمت في (ا)حكاها
قلت الفراق يدوم؟؟؟ قولي وتكفين=ياخذ شهر/ياخذسنه/لاوراها
قالت فراق يدوم لبيتنا الطين=بس احتفظ باسرارنا في اخباها
من عقبها قفّت ولدري على وين؟!=والنار يحرق بالحنايا سناها
ماتدري ان الروح معها من سنين=ومصيبتي قفّت بروحي معاها
ويش العمل يافاهم الشرع والدين!=في خاطري حاجه وقلبي نواها