مبداي باللي شرف الخلـق بالديـن=وللمسلم الصادق بذكـره ونـا سـه
اللي لـه الاسـلام بالعفـو راجيـن =في موقفاً منه الولـد شـاب راسـه
موقف وفا فيـه اختـلاف الموازيـن= والخلق تاقف عاريه مـن لبـا سـه
ياويل من هم لامـر الالـه عاصيـن=من رحمة الرحمن يعلـن فـلا سـه
ومن بعـد ذكـرالله بالشعـر باديـن =ونظم الشعر سابق خذينا لكـا سـه
ياجا مجال الشعر جت لـه عناويـن= وهبه من المعبـود ماهـي دراسـه
ماهو غرورٍ والتعالـي مـن الشيـن= لكن الحقيقه نا فيـه لـلا تبـا سـه
وغيري من الشعار يوجـد ملاييـن= يبنونهن بني ا لبنا فـوق سـا سـه
لهم علـى مصـادر الشعـر تمكيـن= مشاعرٍ ماهـي مبـادي سيـا سـه
يوضح به الشاعر هدف مقصده زين= ويحذر من اقوال الخطا وانعكا سـه
والكـذب والنفـاق طبـع الردييـن =والصدق مثل النور يجلا دمـا سـه
وحنا على ناسٍ من الناس مخطيـن=لعفوا يا من ساس الامجـاد ساسـه
اشوف لي نـاسٍ شيوخـاً مسميـن =لاشيوخ علم ولا مشـا يـخ فراسـه
والشيخه له ساسٍ ومبدى مضاميـن= ماهي شيوخ المهزلـه والخساسـه
شيخه بدون افعال شيخـة مساكيـن= ويجب على الرجال يلبس مقـا سـه
الشيخ اللي ترجيه نـاسٍ مساجيـن= يامن حبـل الشـر بالشـر لا سـه
والشيخ اللي ياطال صوت المعاديـن= نار العدوا فعلـه يزيـد انعمـا سـه
والشيخ اللي ياصل مقام السلاطيـن =والـراي والحكمـه تواجـد براسـه
والشيخ اللي عنده للافعـال تثميـن= ويفرق مقام الجوهره والنحـا سـه
والشيخ اللي ربعه برايـه عزيزيـن= ؤؤيجمـع ولا يفـرق قرابـات ناسـه
والشيخ اللي به عز الاقصى والادنين =وعنده على فعل المراجل حمـا سـه
والشيخ اللي يلوذبه شاكـي البيـن= يطر ي عليه اليا شكا الشخص با سه
بيته له الاجواد بالعـوز نـا صيـن =اللي دخل بيته يشوف الو نـا سـه
واليا نخوه اللي مـن الهـم شاكيـن= عيونه عن الواجب تعذر نعـا سـه
يقضي لزوم الشخص ماقال بعديـن= ولا قاله مطلبك تحـت الـدرا سـه
بالفعل وافـي حافظـاً فعـل وافيـن =ومن لافهم معناه ما بـه ريـا سـه
وصحٍ نشوف اشخاص بالفعل غادين= صاروا لشيخان السوالـف حراسـه
شيخه حكي بدون فعلٍ ماهـي شيـن =وبا لشيخه مايوجد مجال البلا سـه
وهـداج فعلـه واضحـاً بالبراهيـن= عد الروى ماهو شبيه الر سـا سـه
وصلوا على من خص بامر الثقليـن= ومن اقتدابه مايشـوف التعـا سـه