تحــميرة البرطم للاشــناب به عيب=والبيـــض يزهاهن تشــاكيل الاوراس
الورس في ســلم العرب للرعــابيب=والا الرجل كـــماله العـــقل واحـساس
ياحيــف ياخـطو الولد بالوهم صيب=متشبــهن بالبيــض حــــتى بالالبـــاس
من قل اللي يعــطيه نصـحاً وتاديب=وقال المـــثل قبل البناء جـــود الساس
والعقـــل للانســـان خــير المواهيـب=والا الجهــل راعيــه يرجـــع للفــلاس
النفــس دربهــا على المــجـد تدريب=واترك طريق الضايع الناقص الهــاس
الياا اتجــه للشـــرق وجــه مـغاريب=وخــل النظر مرفــوع لايطـمن الراس
احذر طريق الشك واحذر من الريب=مال الرجل في مجلس الشك مجـلاس
الرجل له مبدا رفيـــع المــواجــيــب=وترى المـــجال بكلمة الرجل حـساس