من مصرف اهل الحسد طلع مرابحك= اللـي يخلطـون الذهـب للنحاســه
من صحبت الانذال طهر جـوارحك= وارفـع شليلك ؛ لا ينـوش الدناسـه
نظف من ادران المخـازي مصالحك=واحذر يلوثك الردي فــي مداســـــه
ابعد يمينك عنه لـوجا يصــــافحك= لاتحتطب مما جنت راس فاســــه
وراع النقيلـــي جنبه لايســـــارحك= واليا ظهر راس الخنش دق راســه
مثل الهكر ياجاك يحرق شـــرايحك= شـــــــريحت الصدقان ياجاه حاسه
واعلم ترى الثعبان جارحك جارحك= مخلوق من جينات خبث ونحاسه
لا تصحب الا من بعيبك يصارحك= ومن ســلــبيل الصدق يسقيك كاسه
فـــي غيبتك يظهر عظايم مدايحك= وعن غلطتك يغضي وتغضي حواسه
هذا الصديق اللــي الياجيت يفرحك= الطيب ســـــــيفه والمراجل لباسه