فاض جاش بن غافل بالكلام الفريد= واعتلا فــي ظهور الســـــــفن ربانها
هاتو الزاج والقرطاس حان الجديد= ودي اصخر بيوت الشــعر واوزانها
لابومتعب نصخـر مفردات القصيد= والقوافـــــــي تهـيج وثار بركانها
اعتزيت بقرينـــي قال هل من مزيد= وقاد ندر جيوش الشـــــعر بارسـانها
جيت ابارك عساعمرابومتعب مديد= للرجال المجالـس شــــــيّد اركانها
ايه نهر المراجل تاج راس الحميد= انت تاج المـراجل وانت عنوانها
وانت والله مروض كل صعبن عنيد= وانت راس الرجوله وانت ديقانها
ضيغمين على الطولات باسك شديد= من هلا الكفة اللــي طاش ميزانها
من هلا السربة اللي يتعبون الضديد= ومن حمات الجهام وروس شـجعانها
جعل يفدونك اللي يخدمون الرصيد= فـي رفوف البنوك يســـــجل ايبانها
ماذخــرت الدراهم للولد والحفيد= للمراجل دفعت وفـزت بســـــمانها
تبذل المال لاكـرام الرجال واتزيد= مابخســت الرجال ورمت نقصانها
اقتحمت المراجل في يمينن تجيد= غوص وسط البحور وجلب مرجانها
قاسين بالرجوله مثل صلب الحديد= فيك عوب المــراجل بان برهانها
امتطيت الشهامه لين طار الصـعيد= وانتحرت الجزال وخضت ميدانها
مدهلن للقــريب ومــدهلن للبعيد= والرجال الشـــهيره تكسب رهانها
والله انك شرف للي يصوغ القصيد= وفيك تلبس بحور الشــــــعر تيجانها