اشكي لك الوضع ياطـلاع=يامسـنـدي لاتخلـيـنـي
ابيـك باالـراي والمفـزاع=رايك بلـى شـك يكفينـي
شرواك مايخطي المرمـاع=وتفهـم رموزالمحبيـنـي
تدهورت ياالرفيق اوضـاع=وتلولسـة بيـن حبلينـي
حبل الامل من رجاهم ضاع=وحواجـزن بينـه وبينـي
من بينهن يصعب المطـلاع=تصميـم ناسـن ملاعينـي
ون قلت قالوضروس القاع=تجمـدت مـن براكيـنـي
لياقلت عندي لهن مقـلاع=جابولـي العذرعجليـنـي
ضاقت علي والفجوج وساع=والنـوم ماتقبلـه عينـي
والناس بريـف والمربـاع=ماهم عن الحـال دارينـي
يشذبي من الهجوس انواع=من كـل صوبـن تودينـي
غديت من بينهـن مطـواع=قامـت تناخـا شياطينـي
لولـى الله الواحدالمـنـاع=وايات الكرسـي تهدينـي
تلقـا الخبرناقلـه مذيـاع=عبرالقنـوات هالحيـنـي
وشحاصلن كيف مادري راع=ناضرشريـط العناويـنـي
لولى الامل بـاالله النفـاع=نرجـيـه بالعسرواليـنـي
يصير به جـادع وجـداع=وبه تختلط نـاس غالينـي
الوضع يحتاج حـل بسـاع=ورايك على الراس والعيني