ياحلو مشياً بالصحـاري والاقفـار=بأرضاً بها يدعيك زاهـي خضـاره
متخالطـاً نبتـه بختـري ونـوار=تلقى الخزامى والنفـل فـي مـداره
وتلقى الزبيدي له من النـاس دوار=ياحلـو نبتـه بيـن قـاره وقـاره
ومناطحك لأزوال حثـات الاوبـار=اللي سنامـه يرتكـي لـه فقـاره
يازين صوته يوم نادت على حـوار=ومن الوله صوب الحنين استـداره
ويازين والله بصفهـاً شبـة النـار=ماأنت بخلاوي مع رجـال النمـارة
اللي معه رنجاً وشاصـي وفكسـار=كلن يحول عزبتـه مـن الغمـارة
والكل منهم لفلـح الطيـب مغـوار=وبقلوبهم طيب الضميـر بطهـاره
وتقليط بغـداداً مـع البـن وبهـار=والكـل منهـن وازنينـاً بـهـاره
يقلط عليهن راعي الكيـف والكـار=وفنجالهن يجلا العمـاس وكـداره
صبه على اللي كاسباً طيب الاخيار=عذبن نبـاه ولاطفـى ضـو نـاره
تقدير والتقديـر يـوزن بالاعمـار=يفرض علينـا كـل طيـب وقـاره
ياحلو صفة جلسة الربـع حضـار=وتعللتـاً ماقيـل فيـهـا قـمـاره
وزان الحديث وبينهم صارت اشعار=كلن حسب عرفه يجيب اختياره
هذا هوى قلبي وشفي ومـا اختـار=يكفي عن الهرج الكثير اختصـاره
عند الله المعبود تصريـف الاقـدار=بيديـه توجيـه العبـاد ومسـاره