انا شــاقني قافن نقش من عبيرالعود=ترانيم قيفان المطــيري تنادبنـــــــي
حرك هواجيس بن غافل بيوت سعود=بن فهد شــــــــــــعره على الرد يجذبني
تعيش ياللي تعشــق المرجله والجـود= وانا والله اني عاشــــــق الطيب يطربني
احب الرجال الي لهم ماقفن مشـــهود=والا الردي شـــوفه على القاع يغضبني
احب الصخي اللي يقدّم بدون حـدود= وحبـــي لــراع الطايله مايعــذربنــي
احب الكريم اللــي كما المارد المعـهود=بيته على ســــاس الصخا دايمن مبني
لوكان انا واياه مانلتقــــي بجـــدود= احبه واشــــــوش لذكر فعله ويعجبني
هداج تيما عيلمن صــــافين مورود= والا الرســــــوس ورودها مايناسبني
اعرف الردي قربه خساره وبعده زود=واعرف الصخي للعزوالمجد يسحبني
عسا طيب النيه بخير وسعه وسـعود= وعســــا الردي في سيرته مايواكبني