ترى اللـي رفيقـه مثـل ماجـد طويـل ذراع=ظـــروف اللـيـالـي القـاسـيـة مايـهـمـنـه
اليـا جــاه مــن بالـهـم قـاسـي زمـانـه لاع=ضحـك نـاجـره ومتـونـه الحـمـل شالـنـه
سـريــع ٍ لمـحـتـاج الـفـزازيـع بـالـمـفـزاع=عسـى روس هافـيـن المواقـيـف يفـدنـه
رعايـاه مجـد وطيـب تخضـع لحكـم الـراع=علـى الغيـر عصيـا والصميلـي يطيعـنـه
يـدل اتـجـاه المرجـلـه كــان غـيـره ضــاع=يــــدل الـمـراجــل والـمــراجــل يـدلــنــه
عشقهـن علـى أول طلعتـه نـادر المطـلاع=وداس الصعايـب لـيـن صــارن يعشقـنـه
طبوعـه فعـول الطيـب يـاحـي ذا الأطـبـاع=تولـع بفعـل المرجلـه مــن صـغـر سـنـه
زرعـهـا بقلـبـه رحـمـة الله عـلـى الــزراع=عسـى شايـب ربــاه منـزلـه فــي الجـنـه
لاكنـه فـرض نفسـه بطيبـه وذكــره شــاع=عطـاه الكريـم اللـي لـه الفـضـل والمـنـه
أعــــد الـحـقـايـق لامـجــامــل ولاطــمـــاع=أقـولـه عـلـى فـعــل ٍ عـيـونـي يشـوفـنـه
بعد ماحصلي في السفر ميل من الأوضاع=طـرقـي مـثـل قبـلـي مــن الـنـاس مـرنـه
تعـطـلـت يـومـنـي تـعـديـت وادي ســبــاع=وسـنـع لـزومـي يــوم الأخـبـار وصلـنـه
زهم ربعه الوافين قـال أفزعـوا ذا السـاع=زهمهـم بجوالـه وصــاروا عـلـى ضـنـه
تكـفـل بسنـعـة مـوتـري وأجــره الصـنـاع=ومــوتــر بـسـواقــه عـطـانـيـه مـاحـنــه
لـو إنـه يريـد العـذر كـان الأعـذار وســاع=ولـو أنــه ردي طــول المسـافـات ردنــه
عسـى الله يطـول فـي حياتـه طويـل البـاع=وعنـه الجليـل أعمالـه البـيـض يرضـنـه
عسى الي سواتـه رزق ربـي يجيـه أتبـاع=وســــود الـلـيـالـي لـلـعــرب مـايـحـدنــه
ومنـي عـدد وبــل المخـايـل ونـبـت الـقـاع=ومافي السما من نجم وإنـس الله وجنـه
صلاة من الخالـق تعالـى علـى أفضـل داع=رسول الهدى اللي بيّن الفرض والسنـه