ياشيـن الكـلام اللـي يغثِّـك مـن الاقـراب =يزعِّـل وسـيـع الـبـال ويـوتِّـر أعصـابـه
تقول الغجـر تدليعـك الـورع مالـه بـاب =تـمـتَّــن وحــــاول تـنــهــره لاتـحـيَّـابــه
يومنِّك تحطه دون غيره وش الاسبـاب =وانا اقول وضعن تجهلونه وانا ادرابـه
هاذي قرة اعيونـي بـدال النجـم لاغـاب =لامــن ضـيـع الـسـاري طريـقـه تقـدَّابـه
ابي صامل الهـدِّه يجينـي مثـل مشهـاب =صفـيـطٍ جنـابـه للرفـاقـه واسَــد غـابــه
الـه مـوقـفٍ ينـشـاف لارفَّــت الاشـنـاب =يـــذرِّي ذراه الـجـانـي الــلــي تــذرَّابــه
لامن الردي جنَّب عن الموقف الغصاب =وقف موقـفٍ يحسـب احسابـه ويدرابـه
لاجاني مثل عمه اعيونـي كراهـا طـاب =أبــا ارتــاح وعيـونـي كـراهــا تهـنَّـابـه
عسى الله مايتْكِلْني علـى قـوة الاسبـاب =والا منـسـبـه مــالــه حـلـيــن يـحـلابــه