قبل نبدا تفاصيل البياني = تفاصيلٍ يحدد به كياني
توكلنا على الله واعتمدنا = وطلبنا رحمة الله والاماني
الا ياالله سترك لك رجينا = عظيم الشان للخير اتهداني
وبعد ذكرك لنظم القيل واجب = ونظم القيل نعطي به ضماني
بحور الشعر في جاشي تلاطم = مواهب فكر والمولى عطاني
نضمة القيل رداً واستجابه = على من نهج قيله ماخفاني
تمنى والتمني قول جايز = لجميع الناس مشروع التماني
وخص اللي شكاء من ظيم وقته = حزين الجاش من ظيم الزماني
وهج تمنى القيل وانا ما عذرته = بحور القيل عنده ريهجاني
تخير من جديدات النوادر= جزالة في بيوته والمعاني
فيه رموز لاسباب التمني = كما قال المثل به شي ثاني
شكت له جرح من سهم المحبة = طعن قلبه والخنجر عماني
وتمنة لو لها قدره وحيله = ترد الحق لجروح المحاني
وشكت له ظلم من شخصٍ تنحا = يوصف بالمحبة بالاناني
وبعده تمنة شعره يرتكي له = وتجازي من نسى رمز الحناني
وتمنة شعر شاطي والسويدي = مع سليمان والداعي دعاني
كبر حظي وانا ثالث ثلاثة = لهم بالملحمة يوجد مكاني
شاطي جزيل القيل يملك صكه = بيوته دايم] جزله سماني
شاعر دولة ثم شاعر قبيلة = سموه اهل الوفاء طوال اليماني
يتخير مايتحير بالقصايد = جزيل القاف في نظم ومعاني
مع سليمان بيطار القوافي = لعسرات المثايل ترجماني
يجيد القيل وبيوته جزيله = عطاه الله فهمن للبياني
وهج لاتحسبين انا نتخلى = عن الواجب كان الوقت شاني
وانا ماني لحالي بالمهمة = مع اخواني و لانقبل طماني