ترا القلوب الى بدت فجوةٍ فيه=تاخذ لها مع ثلمة القلب مسرا
لو هي ربيع ونبته الوسم محييه=لاقل فيها الوصل تصبح كالاسرا
قلته وانا قلبي قسا الوقت كاويه=والقلب مايجبر الى جاه كسرا
احترت في قلبٍ على الله مشاكيه=قلبٍ وطاه الوقت واضناه عسرا
ولاعاد قلبٍ بيّح السد خافيه=ينفع معه عقب اسود الوقت يسرا
وياصاحبي ماجيت اقدم مشاريه=ولاني محسب فيك مكسب وخسرا
حملي لي كتوفٍ تشيله وتقويه=وان طحت مانت بطيحتي ميت حسرا
خذها صريحه وابلغ الهرج صافيه=وحبل الحيل مافاد قيصر وكسرى