يامترفه بي باي شفــتك على خير =صعب انتــــلاقى طالبــــــــــك اتركينــــي
انتي ملــكتي دنيتك مــــن هواميــــر =وانا فقيــر وراس مــــالــي حنينــــي
اكبر هــــمومك مكيجه مع كوافيــر =وانا هــــــمومي كيف اجامل سنينــــي
يضيق صدري واقضب الدرب واسير =وجروح قــــــلبي للهمــــــوم تحديني
ويطري علي الضيق في تالي عصير= وكل الجروح الماضيـــــــــــات تغزيني
وذكرت بيـــــتٍ ممتــــلي بالتصاوير =يوصف شعــــــورن في ضميري دفيني
لا حــــــــــولنا مرقــــاب ولا اقدر اطير= ياللــــه قســــــمة خــــــير لا تبــتــليــنــي
واســرى وتــتــعبنــي دروب ومشاوير= واتبع سرابن حــــــال بينــــــه وبيني
الصاحب الي كــــــل وصوفه نوادير= ميـاس قــد وعــــقل راجــــح رزيني
مهــــياف نـاعم بالعمر توه صغير= خشف الظبـــــــــا مــاله بجيله وزيني
بديت عشقي فـــــــيه نظره وتأشير= غمزه وضحكه قلـــت بلــــكي يجيني
قـــمت انتـــظر مارد لي أي تعبير =والحال طال واشتــعل نار فيني
ثم قلت في نفسي انا خير ياطير= يمكن اذا جيتــه انا يــــــهتويني
لازم اجــــــي باسلوب عن البشر غير= واحكي معــاه وترتوي شوف عينــــــي
ثم رحت جيت وقلت بليز كم هيــــر= ودي بــــكلمة راس بينك وبيني
انا أحبـــك والغلا داخلي طيــر= يفرد جناحه للغرام الدفيــنـــي
لامن طريتي في ليال المسايير= افز ويسبقني لعندك حنـينـــي
مو عادي انتي غير في دنيتي غير= انتــي حياتـي وفرحتي في سنيني
من يوم شفتك والليالي تباشير= وايام عمري بالفرح تحتويني
يلي بوصفك معجزه بالتصاوير= عنق المها ذات الخدود اللجيني
طولك سمى ردفك طمى لامن تسير= عينك تشل حالي نحل ياضنيي
ثغرك جمر ورد حمر بالتعابير= قلبي هفى ابغى دفى احظنيني
ضحكت وقالت يوه تصبح على خير= مافيــــه داعي يافــتى تحتريني
قالت انا يافلان لي عشقةٍ غير= انسان غيرك حيل ابيه ويبيني
ومن قالته؛؛ كن جادعيني وسط بير= كني انا بديار غـــربه سجيني
ثم قلت روحي جعل دربك نواوير= تسهــلي يابــــــنت ثـم اعذريني
وذكرت قول لحــــالتي فيه تصوير= ماياخذ العقبات غــــير العفيني