العام به عيدين وبطلعتك عيد= الحمد لله يوم شفنا محياك
لو كثروا الاسياد مامثلكم سيد=انت الذي كل اليتاما ترجاك
الله من رملآ دعتلك تراديد=تطلب من المولى عسى الشر ماجاك
ينصاك من قلّت عليه المواريد=يبشر بعزٍ يا أبيض الوجه لا جاك
وكم واحدٍ حطوا برجلينه القيد=وأعتقت راسه يوم هو لاذ بحماك
بذلت له بالجاه والمال تسديد=فعلٍ عسى رب الملآ عنه يجزاك
يدعون كل الشعب من دون تحديد= ان الولي يشفيك ويسدد خطاك
عسى المرض ياسيدي عنكم بعيد=ينجيك ربي منه ويكذّب عداك
المبغضين الحاقدين المقاريد=زرّاعة الفتنه عساهم فداياك
لو رددوا كثر الاشاعات ترديد=بأرواحنا ياطيّب القلب نفداك