الله يبيض وجه من يفعل الطيب=مثل الظفيري يكسب الطايلاتي
محمد الفراج نزه الاشانيب=من روس قومن كاملين الصفاتي
ترفع له البيضاء بروس المراقيب=فوق ابيض القرطاس نقش الدواتي
هوراعي الفزعات وقت المواجيب=حرن صليب الراس عطب الهواتي
من لابتن يوم السنين المشاحيب=افعا لهم عند الملا واضحاتي
تاريخهم مافيه شكن ولاريب=بالصحف يعرف مع جميع الرواتي
اهل البويت مروضين المصاعيب=عند اللوازم سوو المعجزاتي
دخيلهم يارد لعذب المشاريب=في ظل مروين الرهيف الدهاتي
يا غطرفن المترفات الرعابيب=يسقون حد السيف دم العداتي
هذا صحيح الهرج مهي تكاذيب=فز عاتهم تعرف بكل الجهاتي