عرض مشاركة واحدة
قديم 21-06-2022   #1


الصورة الرمزية محمد سوعان الربيع
محمد سوعان الربيع متصل الآن

بيانات اضافيه [ + ]
 رقم العضوية : 3337
 تاريخ التسجيل :  04 - 07 - 2012
 أخر زيارة : منذ أسبوع واحد (03:42)
 المشاركات : 5,990 [ + ]
 التقييم :  384
 اوسمتي
وسام وسام وسام وسام وسام 
لوني المفضل : Cadetblue
:cvbhg : صداقة الانذال ترحل سريعه



صداقة الانذال ترحل سريعه

اللي يبيعـك بـاردا الاثـمـان ،، بـيعـه = خـله.يـولـي. لا تـحرابـه. الخـيـر
واحـذر يـغـرك في كـلامً . يذيـعــه = بالهـرج . حـذرا لا يخدرك تخـديـر
صـداقـة. الانـــذال تـرحـٰل ســريـعـه =على حسب نـوع المصالح لها سير
مبـداه طيّب ،،، والنهـايــه. شــنيعــه = وادنـاة هـبه تشلع اللاش وايطـيـر
الـكــذب. عــاده. والــمنــافـق طـبـيعـه = هـذي.صفات الناقصين المحاقـير
مـالك ومال. اهــل النفـوس الـوضيعه = ابعـد ولا يـمنعـك. طول المشاويـر
ازبـن على اللي سـن ديــن. الشـريـعـه = الواحـد اللي يـرزق الـداب والطير
يغنيك. عٰـن. كـل البشر. لــو تطـيعــه = يرزقـــك وايــوّن عـليك المعاسـيـر
خـل الـدويــني لاتجــي صـوب ريـعـه = ابـعــد. بسرعـه لا تردد ولا اتشــير
تلـقـا. البـدايـل فـالـفـجـوج الوسـيعـه = الناس واجـد لـكـن اطــباعـهـم غـيـر
تلقـى الأمـين . اللي. اخـلاقـه رفـيعـه = ولـيا نصـيـته ما يجـي منـــه تقصـير
اقبــل وصــاتي لا لفـتــك الـفجـيـعـه = واحرص عـليها في خـتام التعـابـيــر
تــرا الـذي مـابـه لـ ربـعـه نـفـيـعـه = هــذا ابــد للنـاس مـا يـفـعـل الـخـيـر
اللي يبيعـك بـاردا الاثمـان ، بـيعـه = خـلـه.يــولـي . كـل ما فـيــه تـــزويـر

محمد بـن سوعان الربيّع


 
 توقيع : محمد سوعان الربيع

لو المنى للمـرء تاتي عـلى الكـيف = ما كان تلقى لامريضً ولا ميت
ولا مريض يصارع البرد والصيف = ولا غـديـنا بين ســوّا وسـوّيت

محمد الربيّع


رد مع اقتباس