.

.


.

ياهاجسي والقاف ولع في دجا الليله حريق=أما زعل والا عتب والا عـلى الدنيا الـسـلام
لا والله ألا شايف خشف يعرض بالمضـيـق=يجرا على سهج المجالس تارك ريش النعام

ياتاج راسي كل ابن ادم مسير مع طريق =والاالحظيظ اللي يفرق وش حلاله عن حرام
واللي خطر بالبال يامشكاي قلته للصديق=شرواك يالحر النداوي يالصقر الهمام

يامرحبا باللي يهز القاف بالحـس العمـيق=شـاعـر يـحل ملولس الافكار لو صار احتدام
واللي نزل بطن الشعيب تعجزه قمه طويق=يابعدها ياهل القلوب اللي سكن فيها الغرام

بالخرج ارنب والثليثي قام نسمع له نهيق=وبعض البهم ترتع قباله في شريعات الحزام
يامسندي شد الركايب صوب مرباع الفريق=هاك النشامى اللي لهم فقلوبنا قدر ومقام

خل البهم يامسندي معذورتن ربقه رقيق=والا الثليثي حنظله تكفـيه وحـده بالتـمـام
يالله مشينا للحشام اللي تقدر يالرفيق=أهل القلوب اللي نباها يفرضه كل أحترام