جبت القلم والبوك وابيات الاشعار = للي له النخوه زمان النخاوي
ياصاحبي حملي ثقيل وجبار = وانت الذي تفهم جميع الهقاوي
يابوجهاد ان كان للوقت غدار = ترى الغدر في مزمناة الشقاوي
تكفى تحل المشكله يابن الابرار = اللي ذبحني بالهواء مايداوي
سلم لي الدنيا بلا سابق انذار = وانا تعرف اني بدمن حياوي
ياخالد الحق صاحبك بين الاقدار = شان اختباره في طوال الخطاوي
يابوجهاد صويحبك صار بالنار = ماحدن بياويله ولاهو بقاوي
قم واحتزم لجله كما فزة الجار = ترى الذنوب مكوكبه بالتساوي
طحت بهواء حب تلاعبه انهار = وذقت العذاب اللي بلته البلاوي
وسلمت انا امري لربي والاقدار = رب الملا ماهو برب عداوي
شكيت همي للجبل صم الاصخار = ورد الفعل ماهو لي اليوم ناوي
وشكيت همي للبواخر والابحار = وردة علي ماهمها كل هاوي
وشكيت همي لليالي والانوار = ورد الفعل ماهو برد المداوي
وشكيت همي للسماء ونجمه الحار = وردة علي تقوللي مانت راوي
وشكيت همي للسفن بارض الاقطار = وردة علي ماني عزومن وقاوي
واليوم ابشكيها لك اليوم باسطار = عسى بيوت الشعر تلقاء حراوي