آآآه يا ويـل مـن صـابـه غـرام الـسـمر=راح عــقــلـه طـشـاش وتذبحه كلمتين
مـن تـولّـع بـنـاب الـردف تـال العـمر=جـرّه الـمـوج والـتـيـار حـيـله مــتـيـن
لا اقبلت والردوف مخاصمات الصدر=والخصر زاد عن شبره وقم بسطـتين
والـشـفـايـا طـبـيـعي كـل ابـوهن حمر=ورد جـوري تـفـتـّح يـدهش الناظرين
يـسـكـر الـهـايـم الـولهـان دون الخمر=لـعـن ابـو قـلب حـي ٍ لـجـلهن ما يلين
شـفـّة الـريـق شـهـد ووجـه كـنـه قمر=وقم خمسه عشر سقم حال الحزين
والشعر منتثر من فوق كتفه نثر=سحر هاروت ما قيش مع الخصلتين
عيبها عنق ريم وبان فيها الضمر=شيب عين الحبيب ان سلهمت له بعين
راح عـمـره فـوات ومـات سـبّـة قهر= حيلته قاصره والوقت عـيا يزين
العذارى سيوف ٍ للقلوب الخضر =ذبحن لغلغه من قبل قطع الوتين
ترفعك للسحاب وتنزلك للقبر=ونظرة عيونها تخلف بها العاكفين
حربة الرمش يالشطار تسحر سحر= له تهاوا الرجال لطاعته خاضعين
كنها للاوامر غصب تصخر صخر=صمّت اذانها ما تسمع الناصحين
ما تهاب المنايا لو توطـّا الجمر = من حلا ماتشوف عيونهم بايهين
الحلى سيد المسيود يامر امر=جاب روس الملوك وذل عقل رصين
كم شجاع ٍ يهيّب طاح وسط الاسر=عقب قرع السيوف اليوم جر الانين
عقب ركب الخيول الشّقر ويا الصفر=صابه السقم يتبع كل زول ٍ حسين
شوف زين العذاري لو يسرك يضر=مات مجنون ليلى ما خذا منه شين
احذر الغيد يا احمد ووصف الشّقر=لا تـهـيـض بـلانـا خـلـنـا غـافـلـيـن
لا تـنـقـّض جـروح ٍ ودنـا تـنـدثـر=لا تـفـجّـر بـراكـيـن الـغـرام الدفين
لو ما القلوب خضرا ما كتبنا الشعر=وانـت جـبـت الـعـيـاد بعـيـدنا مرتين
بس تدري مسامح جعل عمرك عمر=وجعل عيدك سعيد وصحبتك غانمين
وجـعـل دنـيـاك يـسـر ولا تشوف العسر=دائـمـا ذروت ٍ لا عـدّو الـفـا يـزيـن