يامحمد الوضع ماهو معجب اللي يشوف=واللوم يلحق جنابك ياعريب النسب
مانعذرك يامحمد لو تقول الظروف=شب الحطب طال عمرك ثم زيد الحطب

يامرحبا فيك ياسيفٍ يحد السيوف =اعداد ماحرك الاغصان صلف المهب
الوضع طيب واللي تبي تقول امعروف =ازعلت واحرقت نفسك يوم اكلت المطب

دام البقاء يالمرحب وانت بين الصفوف=والملعبه بيننا الليله نبيها لهب
الدار ياصحبي دايم تجيها الضيوف=لكن خلك لهم يالقرم تحت الطلب

الظيف يقلط على الدله وشحم الخروف =يستاهله والمعزب ضاري(ن) لشبب
ماني بوسط الصفوف اصفق بكل الكفوف =انا هنا ريس الساحة وافك النشب

والله ونعمين يامحمد غرام الهنوف=انا ادري انك على ماقيل دايم شنب
ارسالتي واضحه لاتشيلها بالرفوف=اخذ الرساله ودقق ويش فيها انكتب

وانتا على كعبة الا مجاد دايم تطوف=مايمنعك عن طريق الطيب حر وتعب
حط النقط ياعميل الخير فوق الحروف=لا تجعله عائمة بين الرضى والغضب

الدرب لامن مشيته لاتطري نكوف=بالذات ياصاحبي كانك تمثل عرب
ترأ ابوغازي يابا الصفوف دايم وقوف=في كل ليله يابيك تجيب شيً عجب

مدام ها لراس يابن الناس فوق الكتوف =تالله منكف يكود الخرج يملا ذهب
ابشر ويبشر ابو غازي بكل الصنوف =انا ترا ياسمي السيف للشعر رب