لاحت بروق مضبضبات الهمـاليل = سحايبـاً يعجبـك دقـة لحنهـا
صحت له البدوان في عتمـة الليل = وتباشرت بالخير يمـة وطنهـا
متشوقات عيونهم نظـرة السيـل = في ديرتن يطرب لها من سكنها
وحل الرحيل وردو الزمل لشيـل = كلاً طوى عن ديرتن جازمنهـا
قادت رعاياهم على مطلع سهيل = سيراً على الاقدام محداً شحنهـا
للبيت شالن لابسات الخلاخيـل = كلآ تحرى بس قـودت ضعنهـا
وشدو على حمر البكار المشاويل = اللي ركب واللي مجوّد رسنهـا
ابيوت عـزاً للنشامـا مداهيـل = يا فرحة المضيوم لامن زبنهـا
هاك الرجال معذبيـن المعاميـل = قروم قوماً يبعـد الضـد عنهـا
ذبّاحة الحاشي وذباحــة الحيـل = مـا ساءلت جلاّبهـا كـم ثمنهـا
خلت منازلهم ولا بـه محاصيـل = يـا عزتي رمل العواصـف دفنهـا