آقف على درب المحبين وأذكرك = لا بالله أتعب بالمشاوير ذكراك
طيفك دفى عيني وعيني تسامرك = في ليلها تضوي دموع ٍ تحرّاك
ياما ذرفت ازرق على خدّ مسهرك = وانا انتظر لقياك يا عين لقياك
تعكس دموعي صورتك يوم صوّرك = ولدّ عيني صوب دار ٍ تبنّاك
أحبّك وتشهد جوارح تباشرك = في حضنها تبكي من الشوق باقصاك
مالي ومال الناس لا شفت عابرك = به تبتسم دنياي تشتاق دنياك
قرّب على نار الغلا لين يغمرك = نعسة جفونك لا منامك تبلّاك
صدري وسادة وارقدي لين تشعرك = بانّك شبعتي من حنان ٍ تمثناك
لا تسألي غفوة رموش ٍ تكبّرك = مع كلّ غمضة عين تصرخ وتلقاك
عن نومها بالليل والصبح باكرك = والليل برد ٍ من عراياه يكساك
ملّيت من طول الصبر شوف شاعرك = جروحه النيّه بلاها التهلّاك
يا جرح مبطي بالحنا لحظه اشكرك = طعنتك بيّن وسمها لو تخفّاك
وانا صغيّر لكن الشوق عمّرك = ألبس شماغ الشيب والراس عدّاك
إسمع كلامي لو كلامي يشهّرك = ما همّني قولت قصيده بمرماك
همّي ورود العرس بالنور تنثرك = وأجلس على جال الحزن فوق مرقاك
لله عيوني بالنظر لو تجمّرك = تشوف غيرك والفرح يوم عيناك