الشيب يالجذعان في عارضي لاح=انا اشهد ان العمر راح النصيفه
خمسين عام من العمر كلها افراح=من فضل رب البيت نفسي عفيفه
ماخنت جار ولاتعديت الامزاح=احسب حساب الكلمه اللي تخيفه
والضيف لاجاني على حيل وامراح=وسوالف(ن)للضيف دايم طريفه
والنار مشبوبه عليها اصفر(ن)فاح=من وارد الرسلان تسمع وهيفه
براد يغلي الماء ونجر ومسباح =ودلال مصفوفه وهرجه نضيفه
والطير فوق الوكر والبال منساح=والبرق في المنشأ تعاين رفيفه
وقصايد(ن)للي يبي البال يرتاح=يعنك منت بلاقيلك ضعيفه
شعار مع نقاد وصدور شراح=وسوالف(ن)تنعشك بارضن مريفه
هذي طرات العمر والوقت ذباح=ليا ماغنمته في العلوم الشريفه
وختامها يالله في وقت الاصباح=تغفر ذنوبي جلها والخفيفه