لـغـزي طرحـتـه للـرجـال الفهيمـيـن=حـتــى تـبـيّـن لـلـعــرب معـرفـتـهـم
ويـش البنات اللـي بكـل الميدايـن=مــع الـرجـال الـلـي لـهــم منـزلـتـم
عشره وخمس من الرجال المهمين=لـــولا الـبـنـات الـنــاس مامـيـزتـهـم
رغـم الحـضـاره واخـتـلاف المـوازيـن=لازودت فـــيـــهـــم ولانـقــصــتــهــم
وبناتـهـم حسـبـة ثنيـنـه وعشـريـن=منـهـم ثـلاثـه حـطـو اربــع تحـتـهـم
ثنـيـن مــن وحــده وواحــد بثنـتـيـن=وبــاق الـرجـال الا البـنـات اعتلتـهـم
هذاتـحـت وحــده وذا تـحـت بنتـيـن=وذولـي ثـلاث مـن البـنـات اركبتـهـم
والـلـي يجيـنـي حلـهـم بالتخامـيـن=لايزعـلـون ان ماعتـمـدت اجوبـتـهـم

ماهـي غريبـه لـو تحـدى الملايـيـن=من ساس قوم المعرفه مابلشتهـم
اهل المعرفـه مـن قديمـاً وهالحيـن=ولنـا الشـرف فيهـم وفـي معرفتهـم
مايختلـف فـي شاعريتـك شخصيـن=وانتـه مـن أعـلام العـصـور انجبتـهـم
وابختصـر لــك حلـهـا بـيـن قوسـيـن=الله يـسـلـم لـــك يـمـيـن اكتبـتـهـم
حروف فـي نقطـه وشـي بنقطتيـن=وشــي بـثـلاث انـقــاط متعاليـتـهـم
ونقاطـهـن هــن الـبـنـات الـمـزاويـن=عـن باقـي اخـوان الرجـال افرقتـهـم
والمـعـذره ان كــان ماصغتـهـا زيـــن=معجلنـي اللـي هالبـيـوت وصلتـهـم